O banco solidario de Oleiros conta con novos fondos

A campaña de recollida de alimentos e de produtos de hixiene realizada nos centros educativos públicos do Concello de Oleiros foi todo un éxito. Mais de tres mil kilos de distintos produtos se levaron ao Banco Solidario, onde o voluntariado de Oleiros, ao longo de distintas xornadas, foi clasificando todos os produtos recollidos e ordenándoos na sede do banco.

Produtos relacionados co almorzo dos mais pequenos da casa e outros que complementen os alimentos aportados dende o reparto de excedentes da Unión Europea, así como os de hixiene persoal e de limpeza, conforman os novos fondos que incrementan o Banco Solidario.

O Voluntariado de Oleiros elaborará agora os lotes, adaptandoo ás persoas que forman cada unidade familiar en situación de necesidade, situación contrastada dende os Servizos Sociais do Concello de Oleiros.

Estes lotes complementan as distintas medidas contra a exclusión social que teñen establecidas os Servizos Sociais de Oleiros: bonos de alimentos, axudas de emerxencia social, bonos de farmacia…

O Voluntariado de Oleiros quere agradecer ás familias de Oleiros e aos centros educativos a súa colaboración nesta campaña do Banco Soldario.