O Azkar Lugo pecha a liga como local recibindo ao Jaén

A liga 13/14 chega ao seu fin para o Azkar Lugo FS como local. Aos lucenses, xa salvados desde fai varias xornadas e sen opcións de estar entre os oito mellores, réstanlles dous partidos de liga por disputar e o primeiro deles e que disputará este venres (21:00 horas – Palacio Municipal dos Deportes de Lugo) servirá para pechar a tempada en Lugo. O rival, outro equipo xa salvado e que este ano debutaba en primeira división, o Jaén Paraíso Interior.

Os lucenses aseguraríanse quedar por encima do Jaén na clasificación cunha vitoria, xa que agora mesmo galegos e andaluces están separados nun punto e un posto a favor dos primeiros. Será o momento de botar o telón á liga como local, de despedirse ante a afección, e que mellor xeito que cunha vitoria dedicada cara á inchada lucense que conseguiu xunto ao equipo un ano máis o obxectivo da permanencia na categoría.

Para este encontro os lucenses chegan coas baixa de Cospe e Óscar Iglesias mentres que o preparador dos lucenses deberá estar atento ao estado de Mendiola e Chano que sufriron molestias durante a semana e Aranburu que regresa tras lesión. Pola súa banda o Jaén chega ao choque sen baixas.

Convocatorias:
Azkar Lugo FS: Rubén Mouriz, Diego Núñez, Cuco, Jandri, Antonio Diz, Aranburu, Chano, Mendiola, Iago Rodríguez, Miguel, Álex Diz e Yago Balsa.
Jaén Paraíso Interior: Miguelín, Yoni, Lolo Jarque, Buendía, Ureña, Sergio García, Montes, Ordoñez, Prieto, Juan Puertas, Jorge Bellvert e José López.

Histórico de enfrontamento en Lugo en 1ª división:
Nunca antes se enfrontaron.