Mañás de Kero-Kolo’ na Semana Santa de Verín

A Escola de Familia do Concello de Verín, a través do programa Kero-Kolo, ofertará durante as vacacións de Semana Santa a actividade: ‘Mañás de Kero-Kolo’, un  espazo socio-educativo onde os/as máis cativos/as da casa compartirán mañás con outros nenos/as, disfrutando dunhas xornadas con distintas actividades e xogos.

Esta iniciativa está destinada as familias que teñan a necesidade de cubrir un tempo de lecer, durante ae mañá, poderán deixar aos/ás pequenos/as na aula de psicomotricidade do Pavillón Municipal de Deportes do Concello de Verín. Ademais, os/as menores  que aínda no tivesen superada a etapa do apego familiar, poderán estar acompañados polas propias nais e pais.

As ‘Mañás de Kero-Kolo’ iniciarase o luns 14 de abril, e continuará nas xornadas do día 15, 16 e 21 do mesmo, en horario de 11 a 13 horas. As familias interesadas en participar nesta iniciativa, deberán acudir ao departamento de Educación Familiar do Concello a realizar a súa inscrición a partir de mañá 01 de abril (Casa da Xuventude, Avenida de Portugal 11 bis, primeira planta).