Goleada do Burela FS ao Móstoles FSF

Encontro do Burela e o Móstoles

O CD Burela FS Pescados Rubén non defraudou e conseguiu sumar este tarde tres puntos na visita do Móstoles FSF (3-0), mantendo intactas as súas opcións para seguir a por a carreira do liderado a seis xornadas para o final.

Os primeiros minutos trasnscurrieron en Vista Alegre con chegadas cada vez máis perigosas por ambas as bandas, resolvidas por Anita e Jozi. Lara tivo nas súas zapatillas a primeira gran ocasión das laranxas, no minuto 6, desde saque de esquina. Pouco despois, Jozi saíu ao bordo da área para bloquear unha agresiva tentativa de Patri Chamorro. Volveu á carga Peque, no 8 cunha pelota picada e roldando o ecuador de lonxe. A punto estivo Vista Alegre de cantar o primeiro gol mariñán, do pichichi mariñá, nun descoido de Patri Chamorro na zona de perigo da pista mostoleña, pero pouco despois chegou por fin o tan ansiado gol, de Lida (minuto 16), que recibiu de costas na área rival e revolvéndose perforou a rede cun balón raso que rozou o pau. Con 1-0, a bombonera chegou ao descanso.

A cor laranxa intensificouse na segunda parte. Xa no minuto 22, o Burela FS ampliou distancias Daniela cun potente disparo de lonxe que tentou para sen éxito Anita e coouse por arriba. A xogadora colombiana volveu ter un balón de ouro no 24, apoiada por Peque, tras unha perda do Móstoles nun saque. Tras superar o minuto 10 do segundo período, a 7 laranxa volveu ceder un gran pase ao que Lara non conseguiu chegar.  A falta de pouco máis de cinco minutos para o final, o Móstoles saíu con Patri Chamorro como porteira xogadora, opción que enseguida refugou por falta de resultados. No 36, Claudia materializou o 3-0, que sería definitivo, polo centro desde fóra da área. Aínda tiveron nos seus pés Lida e Bea Mateos un par de oportunidades de ampliar o marcador; no 37, tras galopada asistida por Peque, a capitá lanzou o esférico ao traveseiro e, a falta de minuto e medio para a bucina final, Bea Mateos quedou cravada ao bordo da liña de meta.

Ficha técnica

Burela FS Pescados Rubén: Jozi, Claudia, Bea Mateos, Daniela, Peque, cinco inicial; tamén xogaron Lida, Lara, Maite

Móstoles FSF: Anita, Patri Chamorro, M. Otero, Inma, Eva Manguán, cinco inicial; tamén xogaron Peque, Rakel, Rocío

Goles: 1-0, minuto 16, Lida; 2-0, minuto 22, Daniela; 3-0, minuto 36, Claudia

Árbitros: Manuel Crujeiras Rodríguez // David Valdés Urraca

Cartóns: Por Burela FS, amarela a Lida (minuto 28). Por Móstoles FSF, amarela a Eva Manguán (minuto 31)

Incidencias: Partido correspondente á 24ª xornada de Primeira División RFEF. Ao redor de 500 espectadores