Fallo dos premios do I Concurso escolar sobre o Estatuto de Autonomía de Galicia

O xurado do I Concurso escolar sobre o Estatuto de Autonomía de Galicia, convocado pola Deputación e Ourense, reuniuse hoxe, presidido polo titular da deputación, Manuel Baltar, para deliberar e dar a coñecer os gañadores desta primeira edición, na que participan alumnos de centros de Educación Infantil, Primaria e Secundaria da provincia de Ourense.

No acto, que tivo lugar no Centro Cultural “Marcos Valcárcel” da Deputación de Ourense, o xurado acordou premiar os seguintes traballos: Nas modalidades de Educación Infantil e Primaria, nas que se presentaron debuxos e traballos artísticos alusivos aos temas do Estatuto de Autonomía de Galicia, os premiados foron: Adrián Garrido Pérez, Noa Rodríguez Calviño, Silvia Iglesias Silva, Gema da Rocha Casas, Pablo Rodríguez Valdonedo e Alicia Conde Freire.

Na modalidade de ensino Secundario, na que se presentaron a concurso redaccións sobre o Estatuto de Autonomía de Galicia, os premiados foron: Pablo Rodríguez Iglesias e Víctor Rodríguez Fernández.

O xurado fai constar na acta a alta calidade dos traballos presentados e, en particular, o elevado grao de participación nos traballos artísticos de Educación Infantil e Primaria.

O acto de entrega dos premios terá lugar o vindeiro domingo, 6 de abril, ás 12.00 horas, no Centro Cultural “Marcos Valcárcel”, o que están convidados os nenos e xóvenes premiados, os seus familiares, profesores e directores dos centros educativos. Todos os colexios que presentaron traballos o concurso recibirán un diploma acreditativo da súa participación.