Entrega de premios aos gañadores da Ruta do Pincho da Lamprea do Miño

Mañá, 25 de abril, teremos unha cita moi importante no Concello da Guarda. No Salón de Plenos ás 19.00 horas farase entrega do diploma ó establecemento gañador  do concurso do mellor pincho da Ruta da Lamprea do Miño.

Nesta primeira edición foi elixido como mellor pincho o elaborado polo restaurante “O Porto Guardés”, situado como o seu nome indica na rúa do Porto. O seu propietario, Desiderio Rodríguez (Cuqui), destacou que a Ruta do Pincho da Lamprea do Miño foi todo un éxito. “Persoas de todas partes achegáronse á vila da Guarda para probar a Lamprea, e a todo o mundo lle gustou”.

A súa especialidade foi preparar a lamprea á bordalesa. Ademais, a fixeron guisada con patacas, o que tivo unha gran aceptación. Conquistaron totalmente ós degustadores deste manxar, vendendo un total de 350 pinchos.

Desiderio espera seguir innovando na cociña e informou que para o ano que vén innovará ofrecendo ao publico “pratos únicos, todavía descoñecidos”.

Tamén farase entrega dos agasallos aos cinco premiados do sorteo desta ruta gastronómica, na que participaron ó presentar o pasaporte que certifica que degustaron o pincho de lamprea en tres ou máis establecementos.

–    1º premio: JOSE CARLOS ROCHA
–    2º premio: ANGELES DEL RIO PEREZ
–    3º premio: ANA SANCHEZ MALVAR
–    4º premio: JOSE BENITO VERDE
–    5º premio: TANO