Deteñen a seis persoas relacionadas coas protestas do cerco en Santiago o pasado 11 de marzo

Un total de seis persoas foron detidas en relación ás protestas do cerco do pasado 11 de marzo en Santiago de Compostela, que remataron nun enfrontamento dos manifestantes e os antidisturbios.

Segundo avanzaron fontes policiais, as detencións producíronse este luns, case un mes máis tarde dos acontecementos acontecidos nas rúas da capital galega.

Ese día, a grande manifestación para pedir a renegociación da repartición da cota da cabala e o xurelo desembocou no Parlamento de Galicia tras cambiar o seu percorrido. Fronte ao Pazo do Hórreo comezou a carga policial e o enfrontamento entre os axentes de intervención e manifestantes.