As Cancelas presenta o seu programa de actividades con motivo do aniversario de Celi

Presentación das actividades

As Cancelas presentou esta mañá o seu programa de actividades para o vindeiro sábado día 26 no que se festexará o aniversario de Celi, a mascota do centro, con máis de trinta actividades gratuítas que se desenvolverán desde as 12 da mañá e até as 10 da noite.

A presentación contou coa presenza de María Castelao Torres, Concelleira delegada da Área de Servizos Sociais do Concello de Santiago de Compostela, con Abraham Cano Castro, xerente das Cancelas e con Sandra Fernandez Garrido, adxunta á xerencia do centro.

Todas estas actividades forman parte do mes do Club de Celi, o club infantil do centro que conta con máis de 4.500 socios e co que As Cancelas quixo orientar a súa actividade ás familias de Santiago e arredores.