Aemos pon en marcha “powerselling” co obxectivo de que as empresas fortalezan as súas vendas

A  Asociación de Empresarios de Mos (AEMOS) levará a cabo, en colaboración coa Consultora especializada en Desenvolvemento Comercial, Ignacio Moure & Asociados, a acción POWERSELLING, Potenciación de Equipos Comerciais, durante seis martes, de 09.00 a 14.00 horas, entre o 22 de abril e o 27 de maio de 2014.

Esta acción formativa vai dirixida a profesionais e responsables asignados ao departamento de Vendas das empresas asociadas, co obxectivo de conseguir aumentar o rendemento profesional dos responsables do departamento de vendas das empresas, desenvolvendo as súas competencias técnicas e mellorando as súas habilidades e destrezas para realizar xestións de venda o máis eficiente e profesional posible, todo iso adaptado a unha contorna económica real, hostil e desfavorable.

O xerente de AEMOS, Francisco Domínguez sinala que “o número de profesionais xa inscritos fainos considerar a posibilidade de ampliar esta innovadora acción, atendendo ao contido e á metodoloxía a empregar”. E é que “o curso foi proposto de acordo á detección de necesidades recollida por AEMOS entre as súas empresas, cuxos responsables mostraron as súas necesidades neste ámbito funcional, así como as súas inquietudes e preocupacións comúns, independente da actividade empresarial que desenvolvan”.

Equipos comerciais de máis de 10 empresas analizasen, en 6 sesións dinámicas, os seus puntos fortes e debilidades na comercialización e venda dos seus produtos e servizos. As sesións serán de fácil comprensión, atendendo á metodoloxía activo-participativa, centrada no propio alumno asistente e na realidade profesional na que desenvolve o seu quefacer diario. As sesións, espaciadas entre si durante unha semana, inclúen role-playing (teatro de vendas) que facilitarán a asimilación dos contidos expostos, ao ver reflectidos os seus propios estilos de venda,  detectando puntos fortes e identificando aspectos de mellora, podendo aplicar no desenvolvemento da actividade profesional  o asimilado e analizar os resultados nas sesións posteriores, todo iso cara a unha aprendizaxe de gran significado e de aplicación inmediata.