A XI regata Ria de Pontevedra comeza este sábado coa etapa Aguete-Portonovo

Todo a punto para que este fin de semana e en concreto o sábado a partir das 14:30 horas en Aguete, dea comezo a XI Regata Ría de Pontevedra para Cruceiros ORC, Clásicos/Veteranos e Mini23. A previsión de ventos é bastante aceptable con intensidades de até 16/18 nós de media de dirección sur-suroeste.

A regata Ría de Pontevedra xa está considerada como a clásica na zona para dar o pistoletazo de saída dos grandes eventos a partir da primavera, sobre todo de cruceiros nesta ría. A Regata significa ademais un importante nexo de amizade e colaboración entre o tres clubs organizadores, Real Club Mar de Aguete, Club Náutico de Portonovo e Real Club Náutico de Sanxenxo que tentarán atender, a pesar dos críticos tempos que corren para estes eventos, da mellor forma posible aos máis de 25 barcos que se esperan para a presente edición. Contarán á súa vez coa organización técnica da firma organizadora de regatas e eventos náuticos, Desmarque SL..

Como gran variación con respecto ás anteriores, este ano soamente terá dúas xornadas; este sábado día 5 con itinerario Aguete-Portonovo a partir der as 14:30 horas e o seguinte sábado día 12 de Portonovo a Sanxenxo a partir das 13:30 horas, sendo a entrega de premios precisamente no Real Club Náutico de Sanxenxo nada máis acabar a regata.

Lembremos os pódiums do ano pasado corresponderon en Clásicos, gañador o NOCTURNE (Nicholson 1957 – Enrique Barreiro – Agabace), seguido do AGUETE (Formosa 51 – José Luís Guitart – Escola Naval Militar Marín) e o SARA Ou (Dorna de Lecer – Xosé Avelino Ochoa – C.N.San Vixcente-Agabace). 

En ORC Clase 1, gañou o OZOAQUA (IMX 38 – Juan Carlos Pérez – C.N. Combarro) seguido do ZIRALLA PRIMEIRO (Astraea 330 – Ramón Barreiro – C.N.D. Barraña-Boiro) e o ACCASTILLAGE DIFFUSION SANXENXO (Beneteau 25 – Jaime Barreiro – RCN Sanxenxo), mentres que en ORC 2 gañaba o ENXUTO (First 310 – Pablo Conde – Sausalito YC), seguido da FAÍSCA NEJRA (RO 300 – José Rei – CN Beluso) e a  BILLA (First 27.7 – Francisco Freire _RCM. Aguete). Por último, na clase ORC 3, gañou o 1º) SQUID (First 23.5 – Francisco Lusquiños – C.N. Portonovo), seguido de AQUARI (Oceanis 351-Luís Malvar-R.C.M. Aguete) e SANTIAGO ROMA RIAS BAIXAS (Yatlant 24 – Iñaki Carbajo-CN Beluso).