A plataforma de afectados por abusos bancarios de Vigo protesta en Tui polo silencio mediático ante os suicidios por débedas

O grupo protestará o venres día 25 de abril no Banco Pastor de Tui, caracterizados con sogas ao pescozo e veas ensanguentadas para simbolizar a cantidade de afectados por abusos bancarios que se quitaron a vida como medida desesperada ante as súas perentorias débedas.

A plataforma considera que se lle está dando unha repercusión mediática nula ao feito de que moitas familias afectadas teñen unhas secuelas psíquicas que en moitos casos incitan a provocarse a morte.

Así mesmo, quere dar a coñecer a hostilidade exponencial das autoridades ante este tipo de protesta. En moitos casos a policía acode a vixiar a mesma e disuade a concentración no minuto seguinte á terminación do permiso; sen dar opción ao grupo a permanecer un segundo máis na porta dos bancos (cando esta metodoloxía leva pola plataforma de maneira diaria desde fai máis de oito meses e en inicio tomaba un once horas diarias sen o menor problema ou burocracia).

Con todo, na actualidade, atópanse con problemas ante os permisos e tamén coa policía, que ameaza con multas aos implicados constantemente, ademais de presentarse non unha dotación de axentes si non varias.