A oficina de turismo de Combarro abre as súas portas en Semana Santa

A Concellaría de Turismo do Concello de Poio informa sobre a apertura da oficina de turismo de Combarro durante a próxima Semana Santa.

A oficina de turismo permanecerá aberta ó público dende o día 11 de abril ata o próximo 21 do mesmo mes en horario de luns a sábado de 11:00 a 14:00 hrs. Pola tarde a oficina abrirá de 17:30 a 20:30. Os domingos o horario de apertura será só pola tarde de 17:30 a 20:30 horas.

Dúas bolseiras serán as encargadas de dar a información turística ós visitantes que se achegen ata Combarro.

A oficina de turismo situada en Ferreirós abrirá no seu horario habitual a excepción dos días 14, 15 e 16 de abril, nos que tamén abrirá polas tardes de 17:30 a 20:30.

O Concello de Poio intenta deste xeito ofertar un servizo completo os visitantes que se achegen ó noso municipio durante a próxima Semana Santa.

Unha vez rematada a Semana Santa, a oficina de Combarro volverá a abrir as súas portas o próximo mes de xuño con motivo do inicio da tempada estival.