A Concellaría de Educación de Cambre convoca os Campamentos Urbanos de Verán

A Concellaría de Educación abre a inscrición (do 5 de maio ao 19 de maio) dos Campamentos Urbanos de Verán que terán lugar durante as catro quincenas do período estival (1ª Quincena: do 1 de xullo ao 15 de xullo de 2014, a 2ª Quincena: do 16 de xullo ao 31 de xullo de 2014, a 3ª Quincena: do 1 de agosto ao 14 de agosto de 2014 e a 4ª Quincena: do 18 de agosto ao 29 de agosto de 2014).  Trátase dunha actividade que pretende axudar á conciliación da vida familiar e laboral co obxectivo de que os pequenos poidan seguir coa súa formación en época estival e os pais poidan acudir ao seu centro laboral coa garantía de que os seus fillos están atendidos coa máxima profesionalidade.

Os campamentos están dirixidos aos alumnos de 2º ciclo de E. Infantil, toda E. Primaria e 1º da ESO (100 prazas, por quincena). Terán lugar nun CEIP do municipio por confirmar. Terán preferencia os escolares  empadroados en Cambre e despois os fillos de persoas que traballen en Cambre, e no caso de que sobren, as prazas baleiras poderán ocupalas os veciños doutros concellos. Xa se poden consultar as bases na páxina web do concello e nas redes sociais do Concello. Doutra banda, nesta ocasión destacan as novas actividades dos Campamentos Urbanos nos que se desenvolverán actividades deportivas e culturais, así como talleres lúdicos en Inglés. Cada solicitante poderá participar como mínimo nunha quincena e como máximo en tres.