A biblioteca de Verín conmemora o ‘Día Internacional do Libro’

O vindeiro mércores 23 de abril, de 18 a 19.30 horas, a Biblioteca Pública Municipal de Verín programa a conmemoración do Día Internacional do Libro, no marco da programación de actividades destinadas ao fomento da lectura e dinamización da instalación municipal.

A mesma está destinada a un máximo de 20 nenos/as socios/as da instalación, con idades comprendidas entre os 3 e 9 anos. Consistirá na realización de contacontos e como manualidade unha árbore dos libros -os/as participantes deberán traer un cartolina verde e tubo de rolo de papel hixiénico-.  A actividade será coordinada por nenos/as voluntarios/as, de entre 11 e 16 anos, e persoal da Biblioteca Pública Municipal de Verín. Por outra banda, tamén os/as nenos/as asistentes continuarán a decoración das “árbores dos contos”, dúas árbores que se atopan na instalación municipal, coas súas propias manualidades.

Para participar na mesma é necesario inscribirse na propia biblioteca ou no teléfono 988-414776. Todos/as os/as usuarios/as poden informarse tanto na web da Biblioteca http://verin.isum.centromultimedia.net/ilive/, como no perfil da mesma en Facebook https://www.facebook.com/pages/Biblioteca-P%C3%BAblica-Municipal-de-Ver%C3%ADn/104133986331021?ref=stream&hc_location=timeline