Valencia Master Golden Series – Tomas Vieito cólgase o ouro en RSX sub-21

Tomás Vieito Cobián do CN Punta Lagoa cólgase o Ouro na Copa de España da clase RSX Sub- 21.

Empezou titubeante a primeira xornada cun BFD, pero soubo recomporse e comezou a escalar posicións na clasificación, alzándose co triunfo final en Sub-21 e obtendo un meritorio terceiro posto na Copa de España de Rsx Absoluto.

Primeira proba da tempada para Tomás,  antes dun dos seus obxectivos marcados para este 2014; nun par de semanas atoparase pelexando cos mellores do mundo no Trofeo Princesa Sofía que se disputará na bahía de Palma a priemra semana de Abril.

Na Clase Techno 293 asistiron representando a Galicia Nacho Elúa do CN Punta Lagoa e Antón Portela do CN Carrumeiro. Con 26 participantes na categoría Sub 17, Nacho situouse na décima praza e Antón na décimo novena. Bo adestramento de face ao Campionato de España en Porto Sherry.

Desde a FGV agradecemos a asistencia de Juan Portela e Herby no desprazamento e asistencia na auga.