Unhas 130 parellas participarán no III Trofeo Concello de Marín de Baile Deportivo Campionato Galego Standard

Cunha participación de 130 parellas, celebrarase este domingo 16 de marzo no Pavillón Deportivo Municipal A Raña de Marín o III Trofeo Concello de Marín de Baile Deportivo e o Campionato GalegoStandard 2014, ademais do Open Internacional ArtDance de Bailes Latinos.

Este evento está organizado polo Club de Baile Pasos-Bailegalicia coa colaboración do Concello de Marín e a entrada custa 6 € (4 € maiores de 65 anos, nenos gratis).

O III Trofeo Concello de Marín é unha Competición puntuable para o Ranking Nacional da FEBD (Federación Española de Baile Deportivo) nas modalidades de Standard (Vals Inglés, Tango, Vals Vienés, Slow Fox e Quickstep) e Latinos (Samba, Cha-cha, Rumba, Pasodobre e Jive).

A Competición iniciarase ás 11:30 da mañá coas categorías de menos nivel para dar paso ao Campionato GalegoStandard cara ás 16:30 H. A parte máis importante coas Finais do Campionato Galego e as Categorías Infantís será entre as 15:30 e as 18 h. Esta previsto finalizar coas categorías Nacionais de latinos ás 20:30 h.

En canto a participación podemos destacar aos actuais Campións Absolutos de España Standard e 10 Bailes (Adrián Esperón e Patricia Martínez do Club Pasos-Bailegalicia, oito veces Campións de España entre as modalidades Standard e 10 bailes).

O Campionato Galego dividirase nos seguintes grupos de idade: Xuvenil (menos de 12 anos), Junior (12 a 15 anos), Youth (16 a 18 anos), Adulto (máis de 18), Senior (máis de 35 anos).

O Trofeo Concello de Marín ademais dividirase por categorías de nivel que van desde a H, G e F (categorías de iniciación), pasando logo a 1ª e 2ª Territorial, C, B, A Nacional e A Internacional (van puntuando polos resultados obtidos e subindo de categoría)

O Baile Deportivo está regulado en España pola FEBD (Federación Española de Baile Deportivo) e está recoñecido como modalidade deportiva polo CSD e en Galicia pola Xunta (Secretaría Xeral do Deporte).