Un cento de xóvenes de Pontevedra participan no roteiro Castelao esta semana

Un grupo de 50 alumnos/as de 4º curso da ESO do IES Castro Alobre (Vilagarcía de Arousa) fará mañá mertes, día 25 de marzo, o roteiro Castelao polas rúas da zona histórica de Pontevedra, saíndo ás 9.15 horas horas da praza da Ferraría. O mércores 26 tócalles a outros 50 alumnos/as, tamén de 4º da ESO, pero neste caso do IES de Poio, que sairán ás 10.15 horas da mesma praza.

O percorrido inclúe unha visita á Sala Castelao do Museo de Pontevedra e ao edificio modernista da Fundación Caixa Galicia, onde se situaba o Café Moderno.

O Concello de Pontevedra segue a ofrecer estas visitas guiadas pola Pontevedra máis vencellada a Castelao, co obxecto de ligar o uso da lingua galega aos espazos urbanos da cidade, recuperar e difundir a memoria histórica inserida no contorno xeral da historia de Galicia e dinamizar os usos orais da lingua galega no ámbito urbano.

Por mor da climatoloxía adversa, ou por outras circunstancias, esta visita podería sufrir modificacións. De ser así, procuraremos mantelos informados.