Un cento de veciños participou na gran Festa de Disfraces do Concello de Oroso

Entroido en Oroso

Preto dun centenar de veciños e veciñas participou na gran Festa de Disfraces do Concello de Oroso, celebrada no centro cultural de Sigüeiro. Unha actividade protagonizada especialmente polos máis pequenos da casa, que disfrutaron dun espectáculo de animación coa presenza do heroe galo Obélix. Os alumnos e alumnas dos cursos de baile puxeron a nota musical. Ademais das lambonadas para os máis pequenos, todos os presentes degustaron tamén filloas, orellas e outros doces típicos do Entroido, traídos polas propias familias que participaron na festa.

O programa de Entroido 2014 elaborado polo Concello de Oroso pecharase esta mesma tarde. Ás 18:00 horas, o centro cultural de Sigüeiro acollerá un obradoiro reposteiro de cupcakes de entroido, dirixido a nenos e nenas de 8 a 13 anos.