Tres bancadas esgotadas para o encontro entre o Celta e o Atlético de Madrid

A afección celeste está a envorcarse no apoio ao equipo no complicado partido do sábado ante o Atlético de Madrid (Balaídos, 20.00 horas). Xa hai tres bancadas que completaron o seu aforamento: Gol, Marcador e Preferencia. As oficinas de abonados do club manteñen un elevado ritmo de venda para as bancadas restantes, Río Alto, que non está moi lonxe do cheo, Río Baixo e Tribuna.

O Estadio de Balaídos rexistrará este sábado un ambiente extraordinario. A afección está a responder de maneira espectacular para sumarse aos abonados celestes no incondicional apoio ao equipo no seu reto por alcanzar a permanencia e ante un partido de gran atractivo e dificultade.

O club mantén para este encontro os prezos habituais e, ademais, como agradecemento á fidelidade dos abonados, este encentro non foi designado como ‘Día do Club’.

Os seguidores Sub-24 poden comprar billetes por un prezo que oscila entre os  15 e 25 euros, mentres que os adultos  poden adquirir entradas desde 25 e até 50 euros. As entradas estarán á venda na oficina de abonados de luns a venres en horario de 10 a 14 e de 17 a 20 horas, mentres que o despacho de billetes virtual (www.celtavigo.org/taquillaCelta) permanece operativa as 24 horas do día.