Preto de 90 escolares farán o roteiro dos Bolechas

Esta semana preto de 90 escolares farán o roteiro dos Bolechas. Cincuenta alumnos/as de 1º curso de educación primaria do Colexio Sagrado Corazón de Xesús farán o roteiro en dúas quendas: 25 o martes 11 de marzo e outros 25 o mércores 12; ambos os dous grupos sairán ás 10 horas da praza da Ferraría.

O xoves 13, farán o mesmo percorrido 34 alumnos/as de 1º de primaria do CEIP a Xunqueira 1, que sairán igualmente ás 10 horas da praza da Ferraría.

O Concello de Pontevedra, a través da Concellaría de Normalización Lingüística, segue a ofrecer o Roteiro dos Bolechas para dinamizar o uso da lingua entre nenos e nenas de 1 a 7 anos. Con esta excursión pola zona antiga de Pontevedra os máis pequenos farán un percorrido guiado polo centro histórico da cidade. Por medio de xogos cos Bolechas, os personaxes creados por Pepe Carreiro, a actividade busca ligar o uso do noso idioma cos espazos urbanos da cidade e dinamizar os usos orais da lingua galega no ámbito urbano.

Por mor da climatoloxía adversa, ou por outras circunstancias, esta visita podería sufrir modificacións. De ser así, procuraremos mantelos informados.