Enviar a un amigo
Opinar
ImprimirPrestan declaración os peritos e testemuñas para aclarar o achado de seme na camiseta de Asunta
As partes persoadas no caso que instrúe o xuíz José Antonio Vázquez Taín pola morte da nena Asunta Basterra chegaron ao fío das 10,00 horas deste luns aos xulgados de Santiago para iniciar unha nova xornada de declaracións que tratará de aclarar a orixe da mancha de seme achada na camiseta da nena.
O avogado defensor da nai, José Luis Gutiérrez Aranguren, chegou aos xulgados de Fontiñas ás 9,50 horas e, inmediatamente despois, fíxoo a súa defendida, Rosario Porto, nun furgón da Guardia Civil procedente da prisión coruñesa de Teixeiro.
A nai da menor atopada morta en setembro do ano pasado nunha pista forestal do municipio coruñés de Teo participa nas declaracións, xa que exerce a súa codefensa xunto co seu letrado.
Ao fío das 10,00 horas, entrou en sede xudicial a avogada de Alfonso Basterra, Belén Hospido, e a continuación o fixeron os letrados que exercen a acusación particular en representación da asociación Clara Campoamor.
Para este luns pola mañá están citadas para declarar a través de videoconferencia dende Madrid testemuñas da cea que tivo en Madrid o día do crime o home do perfil xenético do cal se corresponde coa mancha de ADN atopada na camiseta de Asunta, que permanece imputado na causa xunto aos pais da menor, Alfonso Basterra e Rosario Porto, á espera de que se aclare este extremo.
Estas testemuñas estaba citados para prestar declaración dende o Xulgado de Instrución Número 38 de Madrid, situado en Praza Castilla. Posteriormente, está prevista a comparecencia dun informático que elaborou un informe sobre as fotos achegadas á causa pola defensa do terceiro imputado para acreditar que non estivera en Galicia cando morreu Asunta.
Mentres, para o martes pola tarde fixouse a declaración de peritos da Guardia Civil, por videoconferencia dende Madrid, para aclarar o tema da mancha de seme atopada na camiseta da menor despois de que o home co perfil xenético do cal se corresponde con esta acreditase que non estivera en Galicia cunha serie de fotos.
