Preséntase no Fórum Metropolitano do libro ‘Historias desde o xeriátrico’, de Manuel Jacobo González Outes

A Concellaría de Cultura informa de que a biblioteca municipal do Fórum Metropolitano acolle mañá, venres 28 de marzo, a presentación do libro Historias desde o xeriátrico, de Manuel Jacobo González Outes. Será ás 19.30 horas, con entrada libre até completar aforamento.

Manuel Jacobo González Outes naceu en Caldebarcos (Carnota) o 27 de febreiro de 1969. É coñecido nesta faceta pola súa colaboración en distintos xornais con artigos de diversos temas profesionais e algúns relatos literarios. Posúe a rebeldía propia que caracteriza a súa condición perfeccionista, sensible e revolucionaria, procurando incluír nas súas obras estilos que leven ao lector a atopar amenidad, cultura, humor e romanticismo.

Historias desde o xeriátrico, publicado por Edicións Atlantis, son decenas de historias curtas, divertidas, inconexas e esperpénticas cuxo único fío condutor é un vello ferroviario xubilado de Renfe en Monforte e natural de Costa da Morte, que acaba de ingresar nun xeriátrico e que di aos seus compañeiros de asilo que, desde que se xubilou, dedícase a ser contador de historias que acumulou ao longo dos anos.

O ferroviario xubilado cóntalle todos os días aos seus compañeiros de asilo historias que forman cada capítulo da obra (cada capítulo é un día do protagonista no xeriátrico) e ao mesmo tempo a historia narra as reflexións do xubilado ao que lle acaba de morrer a muller e separárono do seu neto ao que quería legar todas as historias que sabe. A novela pretende ser amena e divertida, á vez que quere denunciar o que se á parte á xente maior para dar paso á substitución xeracional.