Patricia Avendaño inicia a súa expansión en franquía abrindo a súa primeira tenda propia en Vigo

Patricia Avendaño, firma de traxes de noiva e festa desde fai 15 anos, comeza 2014 cun novo proxecto. Por unha banda, coa inauguración da súa primeira tenda propia – até a data os seus traxes vendíanse en tendas multimarca en España e o mundo– e a posta en marcha da súa expansión en franquía. Este novo xiro na súa estratexia comercial responde ás excelentes expectativas e resultados que até a data foi sumando a firma.

Situada no Parque Tecnolóxico de Valadares, Patricia Avendaño logrou traspasar fronteiras e vender os seus modelos en Portugal, Italia, Francia, Alemaña, Suíza, Irlanda, Gran Bretaña, Rusia, Australia, Corea, Xapón, Kuwait, Emiratos Árabes, Líbano, Qatar, México, Perú ou EEUU. O 20 por cento dos seus traxes véndense fóra de España e prevén alcanzar o 50 por cento durante 2014 non só grazas ao seu expansición en franquía, senón tambien ao seu maior presencia nas máis importantes citas do sector nupcial no mundo.

A firma viguesa acode a feiras tan importantes como a de Nova York, Xapón, Moscova ou Barcelona. Este ano, ademais, Patricia Avendaño estará, por primeira vez, nas de Dusseldorf (xa celebrada en xaneiro), Londres, Roma e Brasil.

Polo momento, ademais da tenda en Vigo, Patricia Avendaño conta xa con franquía en Valencia e proximamente en Málaga, México, Dubai e Madrid.  

A firma presenta cada ano as súas coleccións na Pasarela Gaudí, sendo a única compañía galega que acode a este certame. Desfilaron con traxes de Patricia Avendaño modelos como Claudia Schiffer, Adriana Karembeu, Naomi Campbell, Karolina Kurkova, Valeria Mazza, Neves Álvarez ou Estefanía Luyk entre outras.

No acto de inauguración, celebrado esta tarde, Patricia Avendaño estivo acompañada do concelleiro de Comercio do Concello de Vigo, Anxo Rivas, así como a presidenta do Consello Económico e Social, Corina Porro, entre outras autoridades e represenantes do sector téxtil galego.

Sobre Patricia Avendaño

Patricia Avendaño forma parte do mundo da moda desde fai máis de vinte e cinco anos, un sector que lle apaixona desde moi novo. En 1987 incorporouse ao persoal dunhas das máis prestixiosas firmas de noiva de España para deseñar vestidos de festa e cóctel. Tres anos despois, presentou a súa primeira colección na primeira edición da Feira NoviaEspaña, en Barcelona.

Nos anos seguintes, as súas creacións desfilaban na Pasarela Luada e Campus Stellae con modelos como Claudia Schiffer ou Valeria Mazza.  En 2000 reúne  a un equipo de profesionais para pór en marcha a súa propia empresa, Patricia Avendaño S.A.A súa constante procura da calidade converte ao proxecto nun éxito. Tres anos máis tarde inicia a súa estratexia internacional, viaxando ás primeiras feiras do sector no mundo. Máis adiante lanzará ao mercado a colección Carlota C.A. cunha liña ben diferenciada da inicial.

Desde os seus inicios, Patricia Avendaño preocupouse por entender a sensibilidade feminina e interpretala. As coleccións da súa firma reflicten unha imaxe da muller actual, con extremo coidado polos detalles e os tecidos.