publicidade hoxe

Os mergulladores esperan a que melloren as condicións para somerxerse na procura dos mariñeiros desaparecidos

PUBLICADO EN: Noticias de GaliciaMuros
A-
A+
Europa Press

O equipo de mergulladores da Garda Civil, ás 12.30 horas, non puidera somerxerse aínda na auga para descender ata o buque ‘Santa Ana’ en busca dos seis mariñeiros desaparecidos, entre eles dous galegos, tras o afundimento do barco na madrugada deste luns fronte ao Cabo Penas en Asturias, segundo informaron fontes da Capitanía Marítima de Avilés.

A intensa néboa na zona e as fortes correntes do mar fan que o descenso sexa moi perigoso polo que os membros do rescate ata agora non puideron somerxerse na auga. Aínda así, o Capitán marítimo asegurou que o tempo está a mellorar e que poderían baixar ao longo do día.

Este mesmo equipo de rescate estivo ata as 03.00 horas desta madrugada visitando barcos moi similares ao ‘Santa Ana’, portas, trapelas e escaleiras, no porto de Avilés para facilitar o labor de rescate, segundo informaron as mesmas fontes.

11 de marzo de 2014 | 13:24 • Sen comentarios

Comentarios pechados.