Os empresarios de Seixalvo preparan un plan para aumentar a seguridade da zona mediante cámaras de vixilancia

O encontro que mantiveron esta mañá tivo como principal obxectivo dar a coñecer ao representante da entidade provincial a asociación que agrupa ás empresas instaladas no núcleo empresarial de Seixalvo, coñecido como ZIS (Zona Industrial Seixalvo) e que hai poucos meses renovou a súa Xunta Directiva.

Unha das peticións que Xullo López trasladou ao vicepresidente foi a de incluír a esta puxante área empresarial no plan estratéxico que a Deputación está a preparar con outras zonas industriais da cidade.

A Zona Industrial Seixalvo conta con máis dunha trintena de empresas instaladas, que dan emprego a varios centenares de traballadores, polo que desde a asociación solicitouse que lla teña en conta á hora de deseñar plans estratéxicos e de impulsar medidas de apoio.
Ademais, o presidente de ZIS aproveitou para solicitar o apoio nunha iniciativa concreta que ten que ver coa seguridade da área industrial. Neste sentido, a asociación prepara un plan de instalación de cámaras de televigilancia, co fin de mellorar as condicións de seguridade do recinto.