O secretario xeral para o Deporte visitará Soutomaior para comprobar as cubertas das pistas de pádel e tenis

Pistas de tenis e pádel de Soutomaior

O Secretario xeral para o Deporte, José Ramón Lete , trasladarase o luns día 31 de marzo ás 20,00 Horas ao Concello de Soutomaior e xunto co Alcalde Agustín Reguera, visitarán e comprobarán as cubertas das pistas de pádel e de tenis do Pavillón de a Montesiña

A Secretaría Xeral para o Deporte investiu máis de 100.000 euros na construción das cubertas das pistas, así como na recolocación da iluminación existente e na renovación do pavimento da pista de pádel e o revestimento das súas paredes en policarbonato, co obxectivo de mellorar as condicións para a práctica destes deportes.

Nestes momentos o Concello de Soutomaior conta con máis de 100 participantes nas escolas Deportivas para adultos e para nenos de tenis e pádel así como o club Tenis & Padel Soutomaior que compite na liga galega de tenis con dous equipos (A e B) e na liga Rias Baixas de Pádel cun equipo masculino e outro feminino

Con motivo deste acto e a partir das 18,30 Horas terá lugar unha exhibición de tenis e pádel onde participarán as mellores raquetas galegas.

Na pista de tenis os mellores xogadores do ranking galego medirán o seu xogo. Roberto Rodríguez numero 1 de Galicia e 42º de España enfrontarase a Rodrigo Figueroa número 2 de Galicia e 55º de España.

En Pádel Masculino a parella formada por Nicolas Garcá “Nico” e David Garcia enfrontaranse a Vicente Villanueva e Victor Dominguez “Pipo”

En Pádel feminino as irmás Carla e Sabela Barciela enfróntanse a Marcela Xoias

Así mesmo o Concello de Soutomaior pon en marcha a partir do 1º de abril do servizo de reservas das pistas deportivas por internet. Para iso débese de cubrir nas instalacións do Pavillón unha ficha de inscrición e alí mesmo poderanse adquirir os bonos para a reserva por internet e desa maneira facilitar o uso e goce das instalacións deportivas a todas aquelas persoas que até agora tiñan problemas para desprazarse persoalmente ao Pavillón a facer os seus reservas