O Santiago Futsal recibe ao Inter Movistar

Volve a liga e volve o mellor fútbol sala ao Multiusos co partidazo da xornada que enfrontará ao Santiago Futsal e a Inter Movistar, mañá venres ás 21h. Os santiagueses recibirán ao recente campión de Copa de España co tradicional corredor, que servirá de homenaxe ao conxunto alcalaíno que o pasado fin de semana alzouse co título de campión de Copa ao imporse por 3-2 a Elpozo Murcia.

O Multiusos vestirase de gala para recibir a un Inter Movistar cargado de cracks, como o MVP da Copa Ricardinho, a brasileiro Batería que lles deu a Copa a 16 centésimas do final, os ex Santiago Pola e Rafael, así como os internacionais Ortiz, Luís Amado ou Jesús Ferreiro, entre outros.

O Santiago Futsal, chega a esta xornada en sexta posición con 33 puntos, a un punto de Magna Navarra que é quinto e empatado con Ríos Renovables que é sétimo. Pola súa banda, Inter Movistar é líder indiscutible da liga con 61 puntos tras ceder só 1 derrota e 1 empate (ambos ante o FC Barcelona Alusport).

Para este partido, o Santiago Futsal chega minguado polas baixas, e é que á de Mario Costa, uniuse a de Loito con rotura do ligamento cruzado anterior, que precisa de reparación cirúrxica, ademais da de Santi, que a pesar de xogar algúns minutos na Copa, continúa con molestias no menisco do seu xeonllo, polo que nos próximos días valorarase si realízaselle unha artroscopia. A isto haberá que unirlle a clausula que impide xogar ao porteiro Juanjo, cedido polo conxunto alcalaíno, baixa que será suplida polo porteiro xuvenil Alberto.

Pola súa banda, Palomeque realizou algunha tarefa co grupo, pero continúa con molestias, polo que é dúbida para mañá. Ademais, un virus está a afectar a varios membros do persoal e corpo técnico, entre os que se atopa o preparador físico Marcos Mecías e o xogador David Pazos, que tamén serán dúbida para mañá.

Os árbitros do partido serán Bel Pascual e Moreno Millián do colexio catalán.

Sala de prensa

Santi Valladares, adestrador do Santiago Futsal, compareceu en rolda de prensa esta mañá afirmando que afrontan este partido “con toda a ilusión do mundo. Que veña o Inter xusto despois do papel que fixemos na Copa e do traballo realizado, paréceme o mellor recoñecemento ao persoal e para min é unha homenaxe aos nosos xogadores”.

Analizando ao rival, o técnico santiagués asegura que “Inter vén de gañar a Copa e é líder indiscutible. Meterlle man a un grande é sempre moi complicado, pero eu creo que a clave vai estar en que non teñan moito o balón. Esa é a teoría, pero levalo á práctica non é tan fácil. Si teñen o balón son moi bos e sen el cústalles un pouquiño máis. Cando teñamos o balón tratar de mantelo e non perdelo, que lle deamos alegría, ter posesións longas pero sen perder esa verticalidad que ao meu me gusta que teña o equipo. Ser valentes cando teñamos o balón, tentando recuperar o máis rápido posible e en zonas afastadas da portaría. Veremos a ver até onde nos aguantan as forzas porque chegaremos moi xustos”.

Outra información de interese

No descanso do partido realizarase a presentación das categorías inferiores do club composta por 16 equipos e case 200 xogadores e xogadores e os seus monitores.

Entradas para o partido xa á venda: Adultos 15€; e Infantil (menores de 13 anos) 5€. Despachos de billetes abertos desde as 19,30h.