O Santiago Futsal prepárase para unha das semanas máis intensas

O Santiago Futsal prepara unha das súas semanas máis intensas con dous partidos fundamentais para continuar cumprindo os seus obxectivos da tempada. O primeiro será esta mesma noite, co encontro de semifinais de Copa Xunta ante o Cidade de Narón ás 21,30h no Pavillón da Gándara, do que sairá o segundo semifinalista deste torneo, que deberá enfrontarse na gran final ao Burela Pescados Rubén, que derrotou ao vixente campión, Azkar Lugo.

A partir de mañá volverá aos adestramentos para preparar o seu seguinte compromiso ligueiro, que será este sábado ante Marfil Santa Coloma no Municipal Jacint Verdaguer ás 18,30h, un partido fundamental para que o Santiago Futsal aséntese en postos de play-off.

Tras o tres importantes puntos conseguidos o pasado venres ante Magna Navarra e cos resultados da xornada, o Santiago Futsal recuperou a sexta praza sumando 36 puntos, do mesmo xeito que Ríos Renovables que baixou á sétima praza. Pechando postos de play-off está Burela 3 puntos por baixo e a 4 puntos, Montesinos Jumilla que é noveno. Por arriba, o Santiago Futsal púxose a un punto de Magna Navarra que é quinto, polo que os santiagueses loitarán até final de tempada pola ansiada quinta praza.

Cabe destacar que o gol que deu a vitoria ao Santiago Futsal do pasado venres ante Magna Navarra, foi elixida como a mellor xogada da xornada pola LNFS, unha xogada que comeza David Pazos que dá un pase cruzado a Diego Quintela, que lla devolve para porlle de tacón a David o balón que estrela na portaría de Asier.

Plan de traballo da semana

Luns 31 de Marzo:
9,30h – Multiusos Fontes do Sar – Preventivo + Táctico

21,30h – PM A Gándara – Semifinais Copa Xunta – Cidade de Narón vs Santiago Futsal

Martes 1 de Abril:
17h  – Multiusos Fontes do Sar – Táctico

Mércores 2 de Abril:
17h  – Multiusos Fontes do Sar – Forza rápida + Transferencia + Porteiros + Táctico

Xoves 3 de Abril:

17h – Multiusos Fontes do Sar – Táctico

Venres 4 de Abril:

9,30h – Multiusos Fontes do Sar – Táctico

11,30h – Salga de prensa do Multiusos Fontes do Sar – Rolda de prensa de Santi Valladares

Sábado 5 de Abril:

8,40h – Aeroporto de Lavacolla – Saída cara a Barcelona

18,30h – Municipal Jacint Verdaguer – J27. Marfil Santa Coloma vs Santiago Futsal

Domingo 6 de Abril:

Descanso