publicidade hoxe
Publicidade
omeulibro1

O rexedor da Pontenova asegura que o incendio forestal no municipio foi intencionado

PUBLICADO EN: Noticias de GaliciaA PontenovaLocal Portada
A-
A+
Europa Press

O alcalde da Pontenova (Lugo), o socialista Darío Campos, manifestou este venres que non ten ningunha dúbida de que foi intencionado o incendio rexistrado na parroquia de Vogo, sobre todo pola hora en que se iniciou –de madrugada–.

É a partir dese inicio, cando se desprazaron efectivos do Grupo de Emerxencias supramunicipais ata o lugar do incendio, oito axentes forestais e unha motobomba, segundo indicou.

Campos asegura que o lume, que calcula que devastou “entre 20 e 30 hectáreas”, está xa controlado, se ben se segue no lugar para evitar que se reavive. “O que pasa é que, supoño, intencionadamente prenderon lume”, sostivo.

O rexedor de A Pontenova recordou, ademais, que o xoves houbo outro lume en O Valadouro e que tras extinguilo se volveu reproducir.

Ademais en Foz, o alcalde Javier Castiñeira aludiu a outro lume iniciado o xoves na parroquia de San Acisclo, que foi sufocado tras afectar “a case 50 hectáreas de monte”.

Á espera dunha valoración definitiva, estímase que as perdidas superan os 200.000 euros, pero o rexedor focense puxo o acento en que non houbo que lamentar danos persoais e que non afectase ás vivendas.

21 de marzo de 2014 | 13:49 • Sen comentarios

Comentarios pechados.