O Mercado “Muller Creativa” de Monforte aprázase ata o 29 e 30 de marzo

O Mercado “Muller Creativa” que estaba previsto celebrar esta fin de semana, días 8 e 9 de marzo, cambiará de datas e levarase a cabo na derradeira fin de semana do mes actual, días 29 e 30.

Esta decisión é consecuencia do traslado do Desfile de Comparsas para o próximo sábado. Adóptase por qué, previsiblemente, o Desfile congregará a moitas persoas, entre elas algunhas das mulleres que ían participar no Mercado.

Ó non poder contar con parte das vendedoras e, seguramente, ó ver moi reducida a presenza de público por mor dos preparativos do Entroido e a participación no Desfile de Comparsas, o Concello decidiu pospor este Mercado.

O cambio de datas deste Mercado provocará que o que tiña previsto celebrarse na derradeira fin de semana de marzo, o Mercado Deportivo, teña que ser trasladado a unha data aínda por determinar.

Os demais Mercados do mes de marzo, o da Ribeira Sacra e Chocolate Paixón, manterán as súas datas de celebración, os días 15 e 16 e 22 e 23, respectivamente.