O mal tempo obriga a suspender o desfile de Entroido previsto para esta tarde en Ferrol

A Concellería de Festas do Concello de Ferrol, atendendo ás indicacións dos técnicos e da empresa organizadora, decidiu suspender o desfile de Entroido previsto para hoxe. O motivo desta medida son as condicións meteorolóxicas adversas, e a previsión de que estas non melloren para a hora en que estaba fixado o percorrido das comparsas polas rúas do centro de Ferrol.

Así mesmo, a Concellería de Festas recorda que o Gran Festival de Comparsas terá lugar a partir das 20.00 horas na praza de Amboage, onde se ten instalada unha carpa cuberta. Neste evento participarán dez comparsas e cada unha delas fará dúas actuacións musicais.  Os nomes destas agrupacións e os temas dos seus disfraces son:

-Os Parrandolos: “A crise”.

-A Canteira: “Doutrina Parrot (Os salvadores).

-Os Colludos: “Fantasía galega”.

-A Revolta de Trasancos: “Imos de Wassa(p)”.

-Os Argalleiros: “Rumbeiros”.

-Os Xunquiños: “Rocieiros”.

-Río Belelle: “Los payasos de la tele”.

-Os Trastos: “Bufóns”.

-Tróupele, tróupele: “Celtas”.

-Piratas Penencia: “En la marina”.

O Concello de Ferrol repartirá 700 euros en premios aos mellores disfraces, na categoría individual ou en parellas, e en grupos,