O impacto económico na cidade de Santiago do Rio Natura Monbus é de 3,5 millóns de euros

Un grupo de investigación SETrg da Universidade de Vigo realizou un profundo estudo sobre o Impacto Socioeconómico e Social que tivo Rio Natura Monbus na tempada 2012/2013. Jesyca Salgado, Antón Antelo, Ángel Barajas e Patricio Sánchez mostraron hoxe o seu traballo no hotel Porta do Camiño, xunto ao membro do consello de administración, Jose Ramón García, e o director xeral do club, José Luís Mateo, que declarou que “as conclusións deste estudo son moi importantes e supoñen a reafirmación do que é a día de hoxe o Proxecto Obradoiro”.

Para o Director Xeral “leste é un club coñecido polos seus intangibles, por un universo obradoirista que o rodea e que o converte en algo realmente especial; pero hoxe estamos aquí para falar de tanxibles, de datos”, explico Mateo despois de felicitar aos artífices do estudo que “traballaron de forma moi concienzuda durante meses para a elaboración deste estudo cuxo erro muestral non chega a 2% (1,8%)”. 

Este estudo, como explicou Antón Antelo, promotor da tese, exclúe aos residentes debido a que “eles poderían gastar eses recursos de maneira alternativa no propio territorio e, por tanto, non existe efecto engadido mentres que as rendas de non residentes, si non se realizaron os partidos, serían gastadas noutros territorios, polo que a celebración do evento atrae a riqueza á cidade”.

Revelouse que o impacto económico neto da participación do equipo na liga Endesa na última tempada foi de 3.442.047 e que os asistentes non locais gástanse na capital galega 2.626.365 euros. Tamén concluíron, que o oitenta por cento dos asistentes non locais acoden a Santiago exclusivamente polo partido e que a maioría dentro do perfil tipo -de home de 38 anos- acode acompañado, un 21% polos seus fillos.

En cifras, o 62 % dos espectadores non son locais, dos que o 36 por cento residen na comarca de Santiago de Compostela, o 35 na provincia da Coruña, o vinte e sete no resto de Galicia e apenas un dous por cento proveñen doutros recunchos da xeografía nacional.

Chamou moito a atención, como destacou pola súa banda Jose Ramón García, conselleiro do club, que o cociente de retorno do financiamento público -que fala do diñeiro que ingresan os negocios da cidade por cada euro público investido- ascenda até 172,53 euros por euro.

Así mesmo, García recalcou que a nivel fiscal, o club abonou 874.769 euros en impostos dos que 319.053,78 foron en IRPF do emprego xerado e outros 367.097,99 en IVE ademais doutros 188.616,7 en cargas fiscais, algo que contrasta co que recibiu precisamente das administracións (menos de 20.000 euros).

“O 92 por cento dos enquisados sinalan sentirse satisfeitos coa organización do evento. Desde o punto de vista turístico, a percepción é lixeiramente inferior cando se pregunta por Santiago de Compostela como lugar de vacacións”, destácase no estudo.