O galego tamén noutros mundos, no IES A Xunqueira I

A Concellaría de Normalización Lingüística do Concello de Pontevedra cédelle a exposición O galego tamén noutros mundos ao IES A Xunqueira 1. A mostra poderase visitar no centro educativo pontevedrés ata o luns 17 de marzo.

O galego tamén noutros mundos consta de trece paneis nos que se mostra a universalidade da nosa lingua e no seu carácter aberto e internacional, que nos comunicou e nos comunica con outra xente e nos fai estar presentes noutras terras. A exposición incide na relación entre a nosa existencia e a nosa identidade; unha identidade propia que queremos mostrar e compartir con outras culturas e con outros pobos, para relacionarnos en igualdade.

A exposición é un percorrido pola nosa historia medieval, os centros galegos espallados polo mundo, as traducións literarias directas e inversas, o éxito internacional da nosa música, a posibilidade de entendérmonos en galego con persoas doutros continentes, o valor engadido que representa a lingua para a mercadotecnia e publicidade dos produtos e a riqueza, modernidade, utilidade e universalidade da nosa lingua.

1. Panel 1. Presentación

1. Panel 2. Introdución

2. Panel 3. O galego, a lingua dun reino

3. Panel 4. Unha lingua internacional

4. Panel 5. Unha estadounidense, poeta en galego?

5. Panel 6. Unha lingua emigrante e exiliada

6. Panel 7. O mundo en galego

7. Panel 8. Conectados/as á rede

8. Panel 9. Galician sounds

9. Panel 10. Podo estudar galego en Budapest?

10. Panel 11. A nosa lingua unha marca de calidade

11. Panel 12. Falantes orgullosos/as

12. Panel 13. O galego tamén no meu mundo

Esta actividade enmárcase no programa que desenvolve o Concello de Pontevedra para promover a normalización da lingua galega entre a mocidade, para dinamizar o uso da lingua a través do coñecemento e da reflexión sobre distintos aspectos da nosa realidade.

As exposicións da Concellaría de Normalización Lingüística, están á disposición de calquera colectivo que as solicite: centros educativos, asociacións e outras entidades interesadas na dinamización e promoción do uso do idioma galego.