O galego Rubén Fernández venceu a primeira manga da proba da Copa de España de Motocross MX125 en Lleida

O pasado domingo, 9 de marzo, disputouse en Almenar (Lleida) a primeira proba da Copa de España de Motocross MX125, na que o Galego RUBEN FERNÁNDEZ venceu a primeira manga. Mentres que na segunda manga que se disputou conxuntamente cos pilotos da categoría Sub18 acabou 3º na súa categoría. Resultados cos que acadou a segunda praza na clasificación desta primeira proba na súa categoría e demostrando que tratará de revalidar o título de Vencedor desta Copa de España que acadou na pasada tempada.

A segunda cita desta Copa Nacional será o próximo sábado 15 de marzo no circuíto de Taboexa (As Neves), na que Rubén ten a ocasión de voltar a loitar pola vitoria.

Peor sorte correu o seu irmán Sergio, lesionado nesta proba de Lleida e que se perderá a cita galega do nacional de mx en Taboexa.

Vico, Font, Hernández e Larrañaga vencen en Almenar

Preto de 100 inscritos estiveron este fin de semana na provincia de Lleida para disputar a proba inaugural do Campionato de España coas categorías anteriormente citadas. Sen dúbida a cifra de participantes fai presaxiar que este vai ser un bo ano para a especialidade dos saltos, o barro e a emoción constante en cada volta.

O MC Terremotard d’Almenar foi o encargado da organización da carreira. O seu presidente, Francesc Giralt, contounos isto á finalización da mesma: “A valoración desta proba é moi boa porque houbo moito público, os pilotos están contentos e o tempo foi espléndido, así que un domingo de carreiras moi positivo”.

Os adestramentos libres han comezado ás 08’30h e cos cronometrados coñecemos o nome dos pilotos máis rápidos. En MXMáster 35 e 40 Javi García Vico, Alfred Camps e Josep Font colocáronse no alto da clasificación tanto nos cronos como na primeira manga. Na segunda Antonio Villegas coouse detrás de Vico o que lle permitiu subir ao segundo chanzo do pódium. Javi gañou as dúas mangas e Josep Font repetiu como terceiro.

Por categorías, Vico, Villegas e Carlos Torres foron os mellores en Máster 35 e Josep Font, Alfred Camps e Juan Carlos Rei en Máster 40.

En MX125 Paul Lle Gonidec foi o mellor nos entrenos e en MXSub18 Jorge Zaragoza. As primeiras mangas corréronas por separado coa vitoria de Rubén Fernández en 125 e de Iker Larrañaga en Sub18. A Superfinal foi o prato forte do día.

Cos mellores pilotos destas dúas categorías sobre a pista, viviuse unha bonita batalla pola vitoria. Iker e Jorge alternáronse o liderado da carreira pero foi o de Husqvarna o que gañou esta primeira proba do nacional en Almenar. Zaragoza foi segundo e Marc Sans, despois de estar a loitar con Lluis Rise e o propio Zaragoza, terceiro.

Por categorías, en MX125 Marc Hernández foi o mellor, Rubén Fernández segundo e Roger Oliver terceiro. En MXSub18 Iker Larrañaga, Jorge Zaragoza e Lluis Rise márchanse de Lleida vitoriosos.

Na final B Jordi Serena gañou, Alejandro Campoy cruzou a meta en segunda posición e Elisson R. Medeiros de Farias na terceira.

A entrega de premios, con diversas autoridades locais, do Motoclub e da RFME, pechouse esta cita en Almenar. A próxima proba de Motocrós para estas categorías será nas Neves, Pontevedra, o 15 de marzo, carreira na que se unirán as mozas de Mulleres.