O departamento de xuventude de Cangas organiza un taller de ideas cara o emprendemento

A Oficina Municipal de Información Xuvenil organiza un taller en colaboración coa Rede Galega de Dinamización Xuvenil. O evento, que terá lugar o próximo 4 de abril ás 17.00 horas na Casa da Xuventude, ten como obxectivo de orientar aos participantes sobre cómo acollerse as diferentes liñas de axudas e sobre cómo elaborar os proxectos a presentar dentro do marco do programa ‘Iniciativa Xove’ ou outros similares enfocados a participación xuvenil.

O programa Iniciativa Xove é unha iniciativa impulsada pola Dirección Xeral de Xuventude que consiste nunha liña de axudas dirixidas a menores de 35 anos para o impulso de novas ideas, proxectos ou iniciativas que teñen incidencia no conxunto da sociedade. Pódese participar no programa a través de grupos formais como asociacións ou entidades legalmente constituídas ou informais de a lo menos 5 persoas. Os solicitantes deben desenvolver iniciativas que servan para fomentar a participación xuvenil a axeitada utilización do lecer, a calidade de vida e o benestar mediante proxectos integrais e específicos de actuación.

O prazo para inscribirse está aberto. Para participar no taller de ideas os interesados deberán apuntarse achegándose as dependencias da Oficina Municipal de Información Xuvenil na Casa da Xuventude.