O Concello de Tomiño lembra á veciñanza a obriga de cortar os piñeiros secos ou decaídos

O Concello de Tomiño lembra á veciñanza que, por decisión da Unión Europea (2012/535/UE), acordouse a obriga de corta e retirada de piñeiros secos ou decaídos, dos montes da franxa tampón (20 quilómetros da fronteira con Portugal), co fin de evitar a propagación do nematodo (verme) do piñeiro.

A Concellaría de Medio Rural, que preside Lois Vázquez, lembra que a erradicación destas árbores está declarada de utilidade pública a nivel nacional. E que a propagación da praga do nematodo, pode impedir a comercialización da madeira da zona.

Por todo isto, o Concello advirte que se os propietarios de montes con árbores secas, decaídas, queimadas ou sintomáticas, non proceden á súa corta e retirada de inmediato, a Consellería de Medio Rural e do Mar (Sanidade Vexetal), executará a orde de forma subsidiaria, cargando os gastos aos propietarios.