O Concello de Ourense abonará “na próxima nómina” a parte correspondente da extra de 2012

O Concello de Ourense abonará ao seu persoal “na próxima nómina” a parte proporcional da paga extraordinaria correspondente ao período comprendido entre o 1 de xuño e o 14 de xullo de 2012.

Nesa data, tal e como lembra o Consistorio ourensán a través dun comunicado, o Goberno central aprobou un real decreto que supuxo a supresión da paga extraordinaria de nadal aos funcionarios.

En todo caso, á vista da sentenza do Tribunal Superior de Xustiza de Galicia (TSXG) do 13 de novembro, o Goberno local ordenou o pago desas cantidades aos funcionarios.

Agora, unha vez que o departamento de recursos humanos completou o correspondente expediente administrativo, o Concello de Ourense anunciou que o pago se fará efectivo na próxima nómina do persoal municipal.