O Burela FS empata no encontro con Ríos Renovables

Encontro entre o Burela e Ríos Renovables

Vista Alegre volveu vivir un duelo de rivalidade digno de firmes aspirantes aos mellores play off, no que os gardametas captaron gran parte do protagonismo.

Nos primeiros compases ambas as escuadras xa tentaban a meta rival. Edu, primeiro, cunha man prodixiosa, e Mimi despois, sacando o balón cando xa excedera ao porteiro mariñán, conseguiron manter as táboas no luminoso no minuto 2. Sobre o 5, Mimi volveu erixirse como o protagonista, pero esta vez en ataque, cun disparo á escuadra que se marchou alto. A defensa laranxa freou as ganas dos de Tudela e quixo sorprender a Molina nun saque de esquina recollido por Antoñito sen sorte, no minuto 7, tentativa á que respondeu Juni poucos segundos despois ante un sagaz Edu. Cando máis asediaba o Renovables, os paus burelistas chegou o gol dos locais, con Antoñito de tacón asistido por Burrito (minuto 9). Tan só un minuto despois, Matamoros subiu o 2-0, coa o apoio tamén de Burrito, que aproveitou a saída da área do balón de Mimi, encerellado coa defensa visitante.

Coa continuación o Burela FS tivo no electrónico o 3-0 nun control de Iago Míguez en combinación con Mimi, sen éxito (minuto 23). Poucos segundos despois, os Ríos atopou o seu gol tan buscado nas zapatillas de Palmas, que recibiu o esférico na área. Juanma volveu dispor dunha oportunidade de ouro para o terceiro no 26, asistido de novo por un traballador e eficaz Mimi. Charlie buscou a igualada tan só un minuto despois ante imperturbable solvencia de Edu. No ecuador do segundo tempo, Burrito contribuíu a dúas grandes chegadas de Iago e Antoñito, que pegaron no tamén resolutivo Molina. A meta naronés volveu demostrar a súa infranqueabilidad no 32, ante David, pero non puido facer nada no contraataque culminado por Andresito a pase de Luisma, tan só dous minutos despois.

Co marcador 2-2, as ocasións do tres puntos concentráronse nas filas laranxas. No 38, Lolo desbaratou a circulación de Mata sobre Molina, a pase longo de Edu. A falta de 1.12, Burrito estrelou un potente mísil contra o pau.

Ficha técnica

Burela FS Pescados Rubén: Edu, Mimi, Burrito, Matamoros, Antoñito, cinco inicial; tamén xogaron Iago Míguez, Isi, Juanma

Ríos Renovables Ribeira Navarra FS: Molina, Lolo, Rubi, Andresito, Charlie, cinco inicial; tamén xogaron Palmas, Luisma, Joselito, David, Juni

Goles: 1-0, minuto 9, Antoñito; 2-0, minuto 10, Matamoros; 2-1, minuto 23, Palmas; 2-2, minuto 34, Andresito

Árbitros: Redondo Areais // Viedma Martín (Castela e León)

Cartóns: Por Burela FS, amarela a Edu (minuto 7). Por Ríos amarela a Juni (minuto 8)

Incidencias: Partido correspondente á 23ª xornada de Primeira División LNFS disputado en Vista Alegre. Ao redor de 800 espectadores nas bancadas, con colorido de Entroido Laranxa