O Auditorio de Cedeira acollerá a representación da obra teatral “A Ratoeira”

O Auditorio Municipal de Cedeira acollerá este sábado, 29 de marzo, a representación da obra teatral “A Ratoeira” de Agatha Christie a cargo da compañía O Aturuxo de Melpómene. A función dará comezo ás 20 horas e o prezo das entradas é de 2,5 euros. A obra narra a historia da Casa Grande do Pozo dos Monxes, que abre as súas portas aos primeiros hóspedes, ao tempo que informa da posibilidade de quedaren illados pola neve. Esta chega e, con ela, un crime por resolver.