Novos servizos no Carballiño para os escolares e as súas familias

O concello do Carballiño, a través da súa área de Educación dirixida pola edil Pilar Caride, retomou o proxecto do comedor escolar, que xa empezou a funcionar o presente curso. Os responsables municipais comprobaron como o número de alumnos que acoden a este servizo é cada vez maior, e por iso abren un novo prazo para todos os interesados en participar nel durante o próximo curso 2014/15.

Este servizo de comedor desenvolverase no local de Bo día Familia, na rúa Calvo Sotelo, e ofrecerá tanto servizo mensual como diario, xa que son moitas as familias que, aínda que non necesiten o servizo todos os días, si en datas puntuais, por iso ofrécese esta segunda posibilidade. A idea principal é permitir a conciliación entre vida familiar e laboral.

O importe que deberá pagar cada neno será de 3,70 euros día, e neste prezo ofrécese un menú variado, equilibrado e atendendo a necesidades especiais como alerxias alimentarias. Incluso os monitores que a diario traballan neste comedor realizan combinacións de alimentos, texturas e sabores, para que os nenos coñezan e edúquense tamén á hora para comer, descubrindo novos produtos e formas de cociñalos.

As familias interesadas en contar con este servizo de comedor poden comunicalo na área de Educación do concello do Carballiño, situado na segunda planta da Casa Consistorial.