Nove medallas para o piragüismo galego

O piragüismo galego tamén mostrou o seu potencial na categoría de novas promesas. Nove medallas foron as que lograron, fronte ao sete da pasada edición. Pero ademais, dous clubs, o Club Piragüismo Portonovo e a Cidade de Pontevedra colocáronse no primeiro e o segundo posto do medalleiro. Galicia colocou a dous equipos nos primeiros lugares, algo que non sucedeu en 2013. Na clasificación por clubs, a Escola de Piragüismo Cidade de Pontevedra foi terceiro e o Rías Baixas, quinto.

A categoría de novas promesas foi unha das que lle deu unha alegría á representación galega. O Club de Piragüismo Portonovo logrou dous de ouro, cos triunfos de Luís Rodríguez Vicente e Lara Outon. A Cidade de Pontevedra conquistou tres preseas. O primeiro lugar de Antía Jocome e os segundos postos de Alba Lorenzo e Isabel Noya.

Outro catro clubs galegos lograron colocarse no medalleiro. David Barreiro deulle unha medalla de prata ao Náutico de Rodeira, mentres Andrea Vázquez, do Rías Baixas, Anxo Susavila, do As Torres Romaría Viquinga, e Carla Sieiro, do Naval de Lugo, foron terceiros nas súas respectivas probas.

Galicia conquistou en Sevilla un total de 21 medallas entre todas as categorías, o 43 por cento do total das 48 que se puxeron en xogo. Esta cantidade supera amplamente ao logrado en 2013, nas que se sumaron 14 medallas, un 29 por cento.