María Castelao pide “non facer política ficción” sobreo posible xuízo oral contra sete edís de Santiago

A concelleira da área de Servizos Sociais do Concello de Santiago, María Castelao, pediu “non facer política ficción” sobre a posibilidade de que se abra xuízo oral contra sete edís por autorizar que o Concello pagase a defensa do responsable de Deportes, Adrián Varela, imputado na ‘Operación Pokémon’.

Así o dixo Castelao preguntada respecto da petición do ministerio fiscal de nove anos de inhabilitación por un suposto delito de prevaricación para sete concelleiros, entre os que se atopa ela mesma.

Neste sentido, dixo non ter máis novidades sobre este proceso ou sobre a posibilidade de que se abra xuízo oral contra o sete edís de forma inminente. En calquera caso, rexeitou falar de “futuribles” e manifestou que “cando sexa o momento” adoptaranse “as decisións oportunas”.

“Calquera que teña sobre si o peso dunha imputación non vai estar absolutamente tranquilo”, admitiu Castelao, que agregou que o sete imputados si están “tranquilos” respecto da decisión tomada na xunta de goberno de pagar a defensa de Varela. Fíxose, engadiu, de acordo cun informe municipal que avalaba esta posibilidade.

A decisión tomouse “en conciencia de estar a facer o correcto”, asegurou e indicou que así llo trasladaron os edís á xuíza.