Ferrol duplica o número de operarios destinados ao mantemento viario

O Goberno de Ferrol, a través da Concellería de Medio Ambiente e Servizos, que dirixe Borja Carro Muñoz, vén de reforzar o servizo municipal de Mantemento de Infraestruturas Viarias coa incorporación esta mesma semana dun segundo grupo de operarios, polo que dende a xornada do pasado xoves entre 12 e 14 persoas traballan diariamente a pé de rúa reparando viarios e beirarrúas do termo municipal. Este reforzamento das tarefas de mantemento e conservación de viarios permitirá acometer nun prazo aproximado de tres semanas máis de 60 actuacións de aglomerado noutros tantos lugares de Ferrol, se as condicións meteorolóxicas o permiten.

Así as cousas, e segundo se recollen nas previsións de traballo do Servizo de Mantemento Viario –do que se ocupa a empresa Misturas S.A- os operarios acometen dente onte intervencións de aglomerado en: rúa Poeta Pérez Parallé,  Marola, zona de aparcamento da piscina municipal da Malata, praza de Canido, avenida do Rei e de Vigo, rúa Velázquez e Coste de Mella e Igrexa. A estes traballos que está a levar a cabo a nova cuadrilla de mantemento hai que engadir as tarefas de conservación diarias, que esta semana céntranse na reposición de lousas na rúa Dolores e na reparación de beirarrúa en Adolfo Ros. A execución destes traballos, ademais de duplicar o número de operarios, supón a incorporación de novo equipo material: dúas fresadoras, unha extendedora de aglomerado, dous rodillos aplanadores, dous camións e un camión – bañera.

Esta intensificación dos traballos de conservación e reparación de viarios ten lugar coincidindo coa “tregua” en canto a chuvias e temporais que viña acontecendo de maneira case continuada. Este aumento do número de persoas do Servizo de Mantemento de Infraestruturas e o desenvolvemento de actuacións de aglomerado naquelas rúas do municipio que presentan un peor estado responde a un compromiso asumido pola Concellería de Medio Ambiente e Servizos e así se está a facer ao día seguinte da mellora das condicións climatolóxicas. Así as cousas, o Concello de Ferrol actuará en máis de 70 viarios do municipio, atendendo deste xeito ás demandas recollidas a través da Oficina de Atención Cidadá ou comunicadas polas entidades veciñais.

A listaxe completa de actuacións de aglomerado previstas é a seguinte:

-Piscina da Malata.

-Ponte Cabalo Branco.

-Caranza – Rúa Lepanto.

-Caranza – Casas da Bazán.

-Irmandiños (diante da entrada ao estaleiro).

-Rúa Velázquez.

-Avenida do Rei (túnel)

-Carballo Calero con Estrada de Castela.

-Estrada de Castela diante da entrada ao mercado de Recimil.

-Estada de Castela cruce con rúa Pontevedra.

-Rúa Ramón y Cajal.

-Rúa Maiola.

-Rúa Alegre.

-Paso de peóns situado na rúa Coruña con rúa Alegre.

-Entrada estación de  autobuses.

-Cruce Alonso López con rúa Miramar.

-Canido, diante do local da Asociación de Veciños.

-Rúa Marola.

-Avenida de Compostela.

-Rúa Instituto.

-Avenida de Viveiro.

-Praza de Canido.

-Avenida de Compostela e cruce con Roi Xordo.

-Irmandiños (zona máis próxima ao Cantón).

-Rúa Fernando VI.

-Rotonda do Diapasón.

-Rúa Souto.

-Rúa Zurbarán.

-Rúa Irmandade Doantes de Sangue.

-Rúa Antelo.

-Camiño do Toxo.

-Avenida da Paz.

-Rúa Monfero con rúa do Deporte.

-Rúa Pedro Carvajal.

-Rúa Ministro Patiño.

-Avenida de Bazán.

-Camiño do Seixo Branco.

-Basanta con Espiño.

-Rúa Euskadi.

-Avenida de Vigo.

-Rúa Batalla de Brión.

-Campo de Chao – San Xoán.

-Rúa José Fontenla Leal.

-Esmelle – Cha da Mariña.

-Valdomero Beceiro – Serantes.

-Serantellos.

-Rúa Sagrada Familia.

-Estrada de Pedregás – Xoane.

-Rúa Chousa.

-Rúa Juan de Austria.

-Estrada da Trincheira.

-Rúa Pedro Padrón.

-Praza Igrexa Parga.

-Estrada Confurco – Cariño – San Cristobo.

-Camiño Real – Doniños – Cariño.

-Camiño da Cabreira – da Cabana a Valón.

-Rúa Nova de Caranza.