Feridos dous mozos nunha saída de vía en Santiago

Dous mozos de 21 e 22 anos de idade resultaron feridos nun accidente de tráfico rexistrado ao sairse da vía un vehículo no termo municipal de Santiago de Compostela.

   A saída de vía tivo lugar sobre as 19,40 horas do venres no municipio de Santiago, debido ao que foi mobilizado o 061, que desprazou ao lugar unha ambulancia medicalizada e outra asistencial.

   Neste sinistro foron atendidos dous pacientes, segundo informaron fontes sanitarias. Un deles, un varón de 21 anos, X.G.V., foi levado ao Complexo Hospitalario Universitario de Santiago e o outro mozo, H.C.G., de 22 anos, ao Hospital La Rosaleda.