Eméndase varias verteduras nos concellos de Santiago de Compostela

A Consellería de Medio Ambiente, Territorio e Infraestruturas, a través dos técnicos de Augas de Galicia, comprobou recentemente a eliminación dunha vertedura da rede de saneamento municipal no lugar de Codesadas, na parroquia de Figueiras en Santiago de Compostela.

A vertedura foi detectada durante unha inspección de rutina levada a cabo dentro do Plan de Control de Vertidos, para o control e eliminación dos vertidos existentes no ámbito da demarcación hidrográfica intracomunitaria de Galicia Costa.

O persoal inspector do PCV puido verificar que o dano procedía dunha rotura nun pozo do ramal de saneamento que discorre polo lugar, debido a existencia dun atranco na rede. De forma inmediata, deuse traslado da problemática ao Concello de Santiago de Compostela, quen, á súa vez, deu traslado á empresa concesionaria do servizo da incidencia para que procedese á súa emenda.

Así, procederon ao desatranco da rede e ao selado do pozo de rexistro para evitar novos vertidos través deste punto. Cabe indicar que as labores tiveron que prolongarse ao longo de varios días debido ao excesivo volume de auga recollido polo colector e á inaccesibilidade do punto como consecuencia das choivas.

Durante este período, os técnicos de Augas de Galicia realizaron un seguimento da evolución dos traballos que culminaron finalmente co cese das verteduras.