Dezaseis cativos de Oroso participaron nun obradoiro de cupcakes de Entroido

Cupcakes preparados polos cativos

Un total de dezaseis rapaces e rapazas, de entre 8 e 13 anos de idade, participaron na tarde de onte mércores nun obradoiro reposteiro de cupcakes de Entroido, organizado polo Concello de Oroso. Os pequenos aprenderon a elaborar e, sobre todo, a decorar estes doces durante o obradoiro impartido no centro cultural de Sigüeiro. Un obradoiro que pecha o programa de actividades de Entroido 2014 elaborado polo Concello de Oroso, no que participaron numerosos veciños e veciñas.