Convocatoria de axudas para o fomento das actividades escénicas e musicais

No Boletín Oficial da Provincia de hoxe publícanse as bases reguladoras das subvencións da Deputación Provincial de Ourense para o fomento das actividades escénicas e musicais 2014. Esta liña de subvencións, dotada con 120.000 euros, enmárcase dentro do plan cultural “A Tarazana” da Deputación de Ourense. O obxecto das subvencións reguladas nesta convocatoria é o financiamento parcial da realización de actividades escénicas e musicais con carácter público na provincia de Ourense, promovidas por persoas físicas, xurídicas ou agrupacións sen personalidade xurídica. Serán beneficiarios directos destas subvencións as persoas físicas ou xurídicas, ou agrupacións sen personalidade xurídica, domiciliadas na provincia de Ourense que, a instancias dos promotores, realicen as ditas actividades escénicas e musicais.