Con motivo do día da árbore Salvaterra de Miño celebrará varias actividades nos centros educativos
O Concello de Salvaterra plantará diversas árbores nos seus Centros para conmemorar o Día Internacional da Árbore, e así a próxima semana levarase a cabo a plantación de diversas árbores froiteiras e carballos no CEIP Infante Felipe de Borbón, no CEP Carlos Casares de Alxén e no CEIP de Leirado, ademais de ofrecer un espectáculo infantil que ten como personaxe principal a “gran árbore” portadora da sabedoría, esta actividade levarase a cabo o martes 25.
E o mércores 26 tócalle aos mais cativos, onde divididos en tres unitarias do CRA A Lagoa, participarán na plantación dunha árbore froiteira e disfrutarán de diversas actividades, con xogos, obradoiros e contacontos.
Desta maneira o Concello quere por en valor unha vez mais a gran importancia da natureza e do medio ambiente e da gran labor que realizan as árbores, a través dos nenos e nenas do municipio. Temos que recordar que Salvaterra é un dos Concellos que ten mais metros cadrados de zonas verdes ten por habitante, ademais de ter máis de 1.000 árbores plantadas na Vila.