Campionato Galego de K-2 e C-2 sobre a distancia de cinco mil metros en Verducido

Verducido acollerá este sábado o Campionato Galego para as embarcacións de K-2 e C-2 sobre a distancia de cinco mil metros, unha cita na que estarán presentes todos os equipos galegos. A competición desenvolverase a partir das 10.30 horas e finalizará ao mediodía coa entrega das medallas.

É unha das probas marcadas no calendario como das máis importantes e que volverá ter unha presenza masiva de deportistas nunha especialidade que pode tamén considerarse como espectacular.

Os padexeiros deberán afrontar a distancia de cinco mil metros para as categorías de cadetes, xuvenís, sénior e veteranos.

Os clubs que participarán son: Fluvial de Lugo, Portonovo, Pontecesures, O Muiño, Cidade de Lugo, Narón, Illa de Arousa, Ría de Aldán, Náutico Miño, Cobres, Naval de Pontevedra, Rodeira, Poio, As Torres, Náutico de Boiro, Ría de Betanzos, Firrete, Vilaboa, As Xubias, Río Verdugo, Fluvial de Allariz, Cambados, Casino de Vilagarcía, Kaiak Tudense, Ribeiras do Tambre, Fluvial de Allariz, Ciudade de Lugo, Breogán do Grove, Grupo Xuvenil, Cabanas e Viveiro.

A tempada de pista en Galicia tamén terá citas importantes nas próximas semanas. Os días 26 e 27 de abril disputarase a Copa de España de 1.000 metros. E o 24 e o 25 de maio, a de 500 metros. Estas probas terá lugar en Verducido.