Attila Vajda será unha das principais referencias deportivas da Nelo Winter Challenge en Pontevedra

Attila Vajda será unha das principais referencias deportivas da Nelo Winter Challenge que se disputará o próximo fin de semana en Pontevedra. O húngaro posúe no seu palmarés unha medalla de ouro olímpica, outra de bronce, tres títulos de campión do Mundo, outro de campión de Europa e dous da Copa do Mundo. Á proba pontevedresa acudirán padeeiras de dez países. Saúl Craviotto e Carlos Pérez Rial ‘Perucho’ tamén confirmaron a súa participación na competición.

O nivel deportivo será moi alto, tal como queda reflectido na lista provisional de inscritos. Attila Vajda logrou a súa medalla de ouro olímpica na especialidade de C-1 1.000 metros en Pequín, ao superar a David Cal. Antes, fora terceiro en Atenas, precisamente por detrás do cangués e o alemán Andreas Ditmer.

O húngaro, a piques de cumprir o trinta anos, será unha das estrelas internacionais, xunto aos poderosos equipos ruso e francés, considerados como os mellores do mundo en diversas disciplinas. Á cita tamén acudirán representantes de Dinamarca, Letonia, Portugal, Lituania, Tunes e Alxeria.

Saul Craviotto, que logrou a medalla de prata nos Xogos Olímpicos de Londres en K-1 200 metros, tamén confirmou a súa presenza. O catalán tamén lograra, xunto a Carlos Pérez Rial, a medalla de ouro nos Xogos Olímpicos de Pequín en K-2 500 metros. ‘Perucho’ anunciou que estará presente na Nelo Winter Challenge.

Outro dos padeeiros máis importante que competirá en Pontevedra será Jeugenij Shoklin, que logrou a medalla de bronce nos Xogos Olímpicos de Londres en C-1 200 metros. O lituano tamén é o vixente campión de Europa desta distancia.

Á Nelo Winter Challenge acudirán ao redor de 600 padeeiras, dos ao redor de 200 serán estranxeiros. As probas, para as categorías sénior, júnior e cadete, disputaranse sobre as distancias de 1.000, 500 e 200 metros. O sábado, a competición comezará ao nove da mañá e terminará sobre o sete da tarde. O domingo, a xornada terminará ao redor das 13.30 horas.